«Пуцін і Лукашэнка псуюць імідж і ўдараюць у міжнародныя адносіны Польшчы»

Так лічыць упаўнаважаны ўрада па бяспецы інфармацыйнай прасторы Рэспублікі Польшча Станіслаў Жарын.

Станіслаў Жарын

twitter.com

– Прапаганда Расійскай Федэрацыі пры актыўнай падтрымцы мінскага прапагандысцкага апарату ўвесь час нарошчвае дынаміку інфармацыйных аперацыяў, скіраваных супраць Польшчы. Апошнім часам дыктатары абодвух рэжымаў самі актыўна ўключыліся ў наступ на Польшчу, сказаў упаўнаважаны ўрада па бяспецы інфармацыйнай прасторы Рэспублікі Польшча Станіслаў Жарын.

Ён адзначыў, што і Уладзімір Пуцін, і Аляксандр Лукашэнка ў сваіх публічных выступах падтрымлівалі асноўныя дэзінфармацыйныя наратывы, якія закранаюць імідж, інтарэсы і міжнародныя адносіны Рэспублікі Польшча. Ён адзначыў, што кіраўнікі Расіі і Беларусі казалі, у тым ліку, што «Польшча хоча акупаваць Заходнюю Украіну», «Польшча рыхтуе агрэсію супраць Беларусі і Расіі», «Нападаючы на Расію, Польшча развяжа Трэцюю сусветную вайну».

- На стратэгічным узроўні прапаганды абодвух рэжымаў таксама назіраецца эскалацыя аперацыі запалохвання прысутнасцю вагнераўцаў у Беларусі. Уяўляючы, што яны непадкантрольныя, ні з кім не звязаныя і гатовыя дзейнічаць супраць Рэспублікі Польшча, Крэмль і Мінск спрабуюць выклікаць у палякаў моцны страх, – сказаў Жарын.

Ён дадаў, што «разумеючы мэты і спосаб дзеяння Крамля і Мінску, трэба таксама падкрэсліць, што прапаганда адмежавання абодвух рэжымаў ад вагнераўцаў можа быць інфармацыйным фасадам, які дасць ім больш магчымасцяў дзейнічаць у шэрай зоне супраць Польшча».

ав