У мінулую пятніцу Сейм адхіліў пярэчанне Сенату супраць прэзідэнцкай папраўкі да закону аб камісіі па вывучэнні расійскага ўплыву.
Згодна з прэзідэнцкай папраўкай, парламентарыі не змогуць удзельнічаць у камісіі па вывучэнні расійскага ўплыву, адмяняюцца контрмеры, якія змяшчаюцца ў дзейным законе. Скасоўваюцца сродкі прававой абароны, якія камітэт павінен быў мець у сваім распараджэнні. Гаворка ідзе, у тым ліку, пра забарону на выкананне функцый, звязаных з распараджэннем дзяржаўнымі сродкамі на тэрмін да 10 гадоў. Галоўным прадметам высновы камісіі будзе прызнанне неналежнага выканання дзейнасці асобаю ў грамадскіх інтарэсах; апеляцыя на рашэнне камісіі павінна будзе падавацца ў Апеляцыйны суд у Варшаве.
31 траўня ўступіў у сілу закон аб стварэнні камісіі па вывучэнні расійскага ўплыву на ўнутраную бяспеку Рэспублікі Польшча ў 2007-2022 гадах, які прэзідэнт падпісаў некалькімі днямі раней, абвясціўшы пры гэтым, што гэта будзе перададзена ў Канстытуцыйны суд. Затым – 2 чэрвеня – Анджэй Дуда ўнёс у Сейм праект паправак да гэтага закона.
PAP / вх
