Упраўленне па пытаннях канкурэнцыі і абароне правоў спажыўцоў правярае, ці не выкарыстоўваюць прадпрымальнікі паводкі для штучнага завышэння цэнаў. Старшыня ўпраўлення Томаш Хрустны сказаў, што трагедыя пацярпелых можа выклікаць у некаторых людзей спакусу скарыстацца сітуацыяй у сваіх інтарэсах.
Таму Упраўленне па пытаннях канкурэнцыі і абароне правоў спажыўцоў і Гандлёвая інспекцыя правераць, ці няма цэнавай змовы або злоўжывання дамінуючым становішчам. Гаворка ідзе пра дзеянні, якія прывялі б да росту коштаў на самыя неабходныя прадукты і будаўнічыя матэрыялы, неабходныя для рамонту і адбудовы падтопленых будынкаў.
Томаш Хрустны нагадаў, што несумленным прадпрымальнікам пагражае штраф да 10 працэнтаў гадавога абароту.
IAR/аз