З нагоды Сусветнага дня культурнай разнастайнасці Музей гісторыі польскіх габрэяў POLIN запрашаем на аўтарскую беларускамоўную экскурсію «Па слядах мястэчак» – часовая выстава «(Pо)żydowskie».
19 траўня (нядзеля), 16.00-17.00 адбудзецца стацыянарная экскурсія на беларускай мове, пасля якой пройдзе майстар-клас. Арганізатары звяртаюць увагу, што колькасць месцаў абмежаваная. Заказ бясплатных квіткоў адбываецца праз электронную пошту mshpak@polin.pl.
Выстава «(Po)żydowskie» прадстаўляе гісторыю мястэчка Апатава, дзе да вайны габрэі складалі 60% жыхароў. Сярод іх быў і вядомы мастак Маер Кіршэнблят (Mayer Kirshenblatt). Успамінаючы горад сваёй маладосці, ён прыгадвае старых людзей, падзеі, побыт і звычаі. На карцінах, поўных фарбаў, фантазіі і гумару, мы ўбачым свет, якога больш не існуе. На выставе даведаемся пра нашу агульную, забытую гісторыю, якая ў тым ліку тычыцца і мястэчак у Беларусі.
Падчас экскурсіі перанясемся ў габрэйскія мястэчкі (штэтлы) – у свет вузкіх вулачак і габрэйскіх дамкоў. Дзякуючы прадметам з выставы можна даведацца аб святах і буднях жыхароў штэтлаў. Сляды матэрыяльнага мінулага апатаўскіх габрэяў выклікаюць пытанні аб тым, што ад іх засталося сёння.
Пасля вандроўкі працягнецца падарожжа ў выглядзе майстар-класаў, падчас якіх можна выканаць творчыя заданні. Таксама будзе магчымасць пазнаёміцца з мястэчкамі, якія знаходзяцца на тэрыторыі сучаснай Беларусі.
эж
