«Новыя левыя» выставяць свайго кандыдата на будучых прэзідэнцкіх выбарах у Польшчы. Такое рашэнне было прынятае ўчора на паседжанні Нацыянальнай рады партыі і было аднагалоснае, заявіў сустаршыня «Новых левых» Роберт Бедрань (Robert Biedroń):
- Усе члены Нацыянальнай рады прагаласавалі за тое, каб левыя сілы на будучых прэзідэнцкіх выбарах прапанавалі свайго кандыдата або кандыдатку на галоўную пасаду ў краіне.
«Калі будзе некалькі кандыдатаў, пройдуць праймерыз», - дадаў Роберт Бедрань.
У сваю чаргу старшыня Клуба левых Анна Марыя Жукоўска напісала на сайце X, што падчас паседжання рады большасць членаў выказалася за жаночую кандыдатуру. Прагучала нават канкрэтнае прозвішча - Агнешкі Дземяновіч-Бонк. Аднак, гэта яшчэ не афіцыйныя кандыдатура, дадала Жукоўска.
Рашэнне аб тым, хто будзе афіцыйным кандыдатам, «Новыя левыя» прымуць на працягу некалькіх бліжэйшых тыдняў.
IAR/аз