Сёння адбылася інаўгурацыя новага прэзідэнта Літвы Гітанаса Наўседы. Новы кіраўнік дзяржавы ў сваёй першай прамове абвясціў пра працяг знешняй палітыкі краіны.
Прэзідэнт Гітанас Науседа звярнуў увагу на няроўнасць у літоўскім грамадстве і адсутнасць пачуцця справядлівасці. Паводле яго, гэта адны з асноўных прычын эміграцыі літоўцаў. Новы лідар таксама назваў найважнейшыя мэты знешняй палітыкі краіны.
„Нашыя стратэгічныя мэты застаюцца нязменнымі: гэта паглыбленне еўраатлантычнай інтэграцыі, цесныя адносіны з Еўрасаюзам і ЗША. Нам трэба таксама развіваць двухбаковыя адносіны з суседнімі краінамі - Польшчай, Латвіяй і Эстоніяй, каб імкнуцца да энергетычнай незалежнасці і абараняць нашы інтарэсы ў супольнасці і ў НАТО”, - заявіў прэзідэнт Гітанас Науседа.
Пасля інаўгурацыі ў Сейме новы літоўскі лідар прыняў удзел у ваенным парадзе, а таксама імшы ў Віленскім саборы.
Цырымонія перадачы ўлады Даляй Грыбаўскайтэ адбылася пасля 14.00 у Прэзідэнцкім палацы ў Вільні.
аз
