11 лістапада ў дзень заканчэння Першай сусветнай вайны жыхары ЗША аддалі даніну пашаны ветэранам усіх воінаў, у якіх удзельнічала іх краіна. Галоўнай падзеяй дня стаў ваенны парад у Нью-Ёрку, у якім удзельнічалі жаўнеры Узброеных Сілаў ЗША. Мінакі сустракалі іх апладысментамі.
Сярод удзельнікаў свята быў Джэры Лайт-старэйшы, ветэран вайны ва В’етнаме. У бітве пад Тон Там Кэ Джэры Лайт страціў 50 таварышаў зброі:
-Я быў ва В’етнаме ў 1967-68 гадах. Шмат, сапраўды, шмат салдатаў загінула падчас аперацыі Badger Tooth. Я адзін з тых нямногіх, якія яе перажылі.
На Пятай Алеі, па якой учора маршыравалі некалькі дзясяткаў тысяч чалавек, можна было сустрэць і паразмаўляць з амерыканскімі ветэранамі вайны ў Карэі, вайны ў Персідскім Заліве альбо вайны ў Іраку.
Ветэранаў Узброеных Сілаў ЗША ўшанаваў прэзідэнт , які адмыслова з гэтай мэтай прыехаў у Нью-Ёрк. Амерыканскі лідар падкрэсліў, што дзякуючы жаўнерам, якія ваявалі на розных франтах па ўсім свеце, у Злучаных Штатах квітнее свабода, а сэрцы іх грамадзянаў поўняцца гонарам.
IAR/эж