У сувязі з апублікаваным 9 траўня ў часопісе «Financial Times артыкуле «75-я гадавіна Вялікага Дня Перамогі», напісаным амбасадарам Расіі на Шры-Ланцы Юрыем Мацёрым, амбасадар Польшчы ў Індыі прафесар Адам Буракоўскі апублікаваў свой адказ:
Згаданы артыкул скажае гісторыю і грэбуе ключавымі фактамі, на якія я б хацеў звярнуць увагу:
- 23 жніўня 1939 года Савецкі Саюз заключыў саюз з нацысцкай Нямеччынай, падпісваючы пакт Гітлера -Сталіна. Паводле гэтага пакту, абодва таталітарныя рэжымы дамовіліся аб сумесным уварванні ў Цэнтральную і Усходнюю Еўропу.
- »II Сусветная вайна пачалася нападам нацысцкай Нямеччына на Савецкі Саюз у чэрвені 1941 года«. Яна пачалася 1 верасня 1939 года, калі нацысцкая Нямеччына напала на Польшчу. А некалькімі тыднямі пазней, 17 верасня 1939 года, Польшчу атакаваў Савецкі Саюз.
- Савецкі Саюз напаў на краіны Цэнтральнай і Усходняй Еўропы разам з нацысцкай Нямеччынай. На працягу амаль двух гадоў Масква была блізкім хаўруснікам Берліна. Выкарыстоўваючы гэта, Савецкі Саюз здзейсніў уварванне ў Польшчу, Румынію, Літву, Латвію, Эстонію і Фінляндыю.
- Савецкі Саюз заставаўся саюзнікам нацысцкай Нямеччынай і падтрымліваў яе захопніцкія кампаніі 1940-1941 гадах у Еўропе – у Даніі, Нарвегіі, Нідэрландах, Бельгіі, Люксембургу, Францыі, Югаславіі і Грэцыі. Савецкі Саюз быў саюзнікам нацысцкай Нямеччыны падчас бітвы за Брытанію.
- У 1941 годзе, пасля амаль двух гадоў Другой сусветнай вайны, нацысцкая Нямеччына нечакана напала на свайго саюзніка – Савецкі Саюз.
- Канец II Сусветнай вайны не прынёс вызвалення краінам Цэнтральнай і Усходняй Еўропы. Фактычна Саветы спынілі генацыд, які ладзілі нямецкія нацысты, аднак яны ўвялі ўласную акупацыю і тэрор, які доўжыўся больш за 40 гадоў. Мільёны людзей пацярпелі з-за савецкага прыгнёту.
На шчасце, таталітарны Савецкі Саюз на рэшце разваліўся, а нашы краіны ступілі на шлях свабоды і дэмакратыі.
Аб'яднаныя ў Еўрапейскім Саюзе мы радуемся міру і стабільнасці. Мы ніколі не забудзем жахаў, што тварылі таталітарныя рэжымы нацысцкай Нямеччыны і Савецкага Саюза.
Акрамя гэтага, польскі дыпламат нагадаў заяву міністраў замежных спраў Балгарыі, Чэхіі, Эстоніі, Венгрыі, Латвіі, Літвы, Польшчы, Румыніі і Славакіі, а таксама дзяржсакратара ЗША з нагоды 75 гадавіны завяршэння Другой сусветнай вайны.
ft.lk/эж