Прэм'ер Маравецкі заклікаў да шырокай падтрымкі Украіны

Падчас міжнароднай канферэнцыі ў Берліне, кіраўнік польскага ўраду гаварыў пра неабходнасць пераацэнкі еўрапейскай палітыкі.

Прэм'ер-міністр Матэвуш Маравецкі

PAP/EPA/CLEMENS BILAN

Прэмʼер-міністр Матэвуш Маравецкі заклікаў да шырокай фінансавай і ваеннай падтрымкі Украіны. У сваім выступе на Міжнароднай канферэнцыі экспертаў па адбудове, рэканструкцыі і мадэрнізацыі Украіны кіраўнік польскага ўраду казаў таксама пра кошты расійскага ўварвання ва Украіну, якія мусяць панесці ўсе еўрапейскія краіны. Паводле прэм’ера ключавая перабудова ўсёй сістэмы бяспекі ў Еўропе:

- Сёння недастаткова казаць пра адбудову Украіны і Еўропы. Мы павінны гаварыць пра рэканструкцыю еўрапейскай палітыкі – энергетычнай і кліматычнай палітыкі. Вайна ва Украіне паставіла нас перад новай геапалітычнай перспектывай. Яна разбудзіла ўсіх нас з гэтага геапалітычнага сну.

У берлінскай канферэнцыі прымаюць удзел прадстаўнікі ўрадаў краінаў, якія ўдзельнічаюць у падтрымцы Украіны, а таксама няўрадавых арганізацый, экспертных і навуковых колаў, прыватнага сектара.

Канферэнцыя праходзіць пад эгідай Групы G7 і Еўракамісіі. Удзельнікі сустрэчы абмяркоўваюць прапанаваныя формы падтрымкі Украіны ў яе аднаўленні і трансфармацыі з улікам ваенных дзеянняў, якія працягваюцца ў краіне.

IAR /аз