У Вільні пачалася сустрэча кіраўнікоў парламентаў краінаў НАТА. Спікер Сейма Літвы Вікторыя Чмілітэ-Нільсэн падчас інаўгурацыі саміту адзначыла, што ў цяперашняй геапалітычнай сітуацыі краіны Альянсу сутыкаюцца з выклікамі, звязанымі з бяспекай:
-Бяспека з'яўляецца асновай для пабудовы дабрабыту нашых грамадстваў. Парламенты павінны гуляць пэўную ролю ў забеспячэнні бяспечнай будучыні для нашых краін і грамадзян.
На ўрачыстым адкрыцці сустрэчы таксама прысутнічаў прэзідэнт Літвы Гітанас Наўседа, які адзначыў, што на ўсходнім флангу НАТА неабходныя баяздольныя часткі памерам у брыгаду:
-Спрабаваць разлічваць толькі на тое, што на дапамогу хутка прыбудзе падмацаванне, проста не атрымаецца. Такія дзеянні стануць сігналам агрэсару, што можа быць магчымасць праверыць рашучасць Альянсу. Мы павінны ліквідаваць такія пагрозы.
Польшчу на сустрэчы ў Вільні прадстаўляе маршалак Сейму Эльжбета Вітэк. Сёння кіраўнікі парламентаў абмяркоўваюць выклікі, якія стаяць перад НАТА, выдаткі на абарону і доўгатэрміновы план падтрымкі Украіны.
ав