Будзе яшчэ адзін пакет санкцый Еўракамісіі ў дачыненні да Беларусі – заявіў міністр па справах Еўрасаюза Шыман Шынкоўскі вель Сэнк. Усе працэдуры будуць завершаны ў бліжэйшыя дні.
Шынкоўскі вель Сэнк на прэс-канферэнцыі паведаміў, што санкцыі закрануць, у тым ліку, канкрэтных асоб.
«Індывідуальныя санкцыі прадугледжваюць унясенне 39 чалавек, адказных за палітычныя рэпрэсіі, у тым ліку вінаватых у пераследзе і асуджэнні Анджэя Пачобута, у спіс замарожвання сродкаў і забароны на ўезд у ЕС», – падкрэсліў міністр.
У сваю чаргу сектаральныя санкцыі будуць распаўсюджвацца на экспарт тавараў і тэхналогій падвойнага прызначэння, якія выкарыстоўваюцца ў ваенных мэтах, зброі, боепрыпасаў і прадуктаў, знойдзеных на полі бою ва Украіне, а таксама тэхналогій, якія выкарыстоўваюцца ў авіяцыйнай і касмічнай прамысловасці, растлумачыў міністр Шынкоўскі вэль Сэнк.
Праект санкцый Еўракамісія падрыхтавала ў канцы студзеня і з таго часу вядуцца перамовы.
Польшча пры падтрымцы Літвы апошнім часам шмат разоў звярталася па дазвол увесці санкцыі супраць беларускага рэжыму. Варшава падкрэслівае, што Еўрасаюз, каб эфектыўна змагацца з абыходам санкцыяў супраць Расіі, мусіць пашырыць абмежаванні і супраць Беларусі.
Апошні раз ЕС уводзіў санкцыі супраць рэжыму ў Мінску год таму.
яс/IAR