Старшыня Еўракамісіі заявіла, што Еўрасаюз павінен павялічыць намаганні, каб хутка прыняць новых членаў: Украіну, Заходнія Балканы, Малдову, а ў будучыні таксама Грузію. Па словах Урсулы фон дэр Ляен, супольнасць павінна падтрымліваць кандыдатаў і падрыхтаваць празрыстыя правілы ўступлення, заснаваныя на вяршэнстве права.
Урсула фон дэр Ляен выступіла сёння ў Страсбургу з прамовай аб стане ЕС. Адной з галоўных тэмаў яе выступу стала «гістарычная задача», якой, на яе думку, з'яўляецца неабходнасць пашырэння супольнасці на новых членаў.
У сваёй прамове старшыня таксама казала пра вайну ва Украіне. Урсула фон дэр Ляен прапанавала пашырыць абарону грамадзян Украіны ў Еўрасаюзе. Еўракамісар таксама падкрэсліў, што Украіна будзе далей атрымліваць падтрымку.
- Наша падтрымка Украіны будзе трывалай. Толькі ў гэтым годзе мы прызначылі 12 мільярдаў еўра на выплату заробкаў і пенсій. Каб падтрымаць працу бальніц, школ і іншых службаў. Дзякуючы нашай прапанове ASAP, мы павялічваем вытворчасць боепрыпасаў, каб дапамагчы задаволіць самыя неадкладныя патрэбы Украіны.
У сваім пасланні Урсула фон дэр Ляен таксама заахвоціла да абмеркавання магчымых змяненняў у дагаворах ЕС, якія закліканы дапамагчы палепшыць функцыянаванне супольнасці, калі яна будзе налічваць больш за трыццаць членаў.
IAR/нг