Гэта трэцяе святкаванне Дня Перамогі над нацысцкай Германіяй у Расіі за час уварвання ва Украіну і другое пасля таго, як Міжнародны крымінальны суд у Гаазе пастанавіў арыштаваць Уладзіміра Пуціна як ваеннага злачынцу.
Уладзімір Пуцін падчас выступу на Чырвонай плошчы абвінаваціў краіны Захаду ў фальсіфікацыі гісторыі Другой сусветнай вайны і паабяцаў расіянам мір ва ўсім свеце. — «Расія зробіць усё, каб не дапусціць глабальнага канфлікту. У той жа час мы не дазволім нікому пагражаць нам. Нашы стратэгічныя сілы заўсёды знаходзяцца ў баявой гатоўнасці», - падкрэсліў расійскі дыктатар.
У той жа час Уладзімір Пуцін вярнуўся да савецкай гістарычнай рыторыкі. Пачаткам Другой сусветнай вайны ён назваў 1941 год, калі немцы напалі на Савецкі Саюз, і заявіў, што Расія тры гады адна змагалася з нацыстамі. Ён не згадаў ні пра тое, што вайна пачалася з уварвання ў Польшчу ў 1939 годзе, ні пра тое, што Савецкі Саюз амаль два гады быў у саюзе з Трэцім Рэйхам.
ав