«Вораг выдатна разумее, што ў выніку паступовага паступлення значнай колькасці ўзбраення і ваеннай тэхнікі ад нашых партнёраў, паступлення першых F-16, якія ўзмоцняць нашу супрацьпаветраную абарону, час будзе гуляць на нашу карысць, і яго шанцы на поспех паменшацца.
Таму камандаванне расійскіх войскаў цяпер прыкладае ўсе намаганні для павышэння інтэнсіўнасці і пашырэння геаграфіі баявых дзеянняў з мэтай максімальнага знясілення нашых войскаў, зрыву падрыхтоўкі рэзерваў і недапушчэння пераходу да актыўных наступальных дзеянняў», — заяўляе Сырскі.
Па словах генерала, характар дзеянняў праціўніка істотна не змяніўся. На Купянскім, Пакроўскім, Курахоўскім, Врэмаўскім аператыўных кірунках праціўнік вядзе актыўныя наступальныя дзеянні рознай інтэнсіўнасці, спрабуючы прарваць абарону ўкраінскіх войскаў і захапіць важныя ўчасткі мясцовасці або населеныя пункты, якія ўплываюць на ўстойлівасць сіл абароны.
Асноўныя намаганні праціўнік засяроджвае на Пакроўскім напрамку, дзе сканцэнтравана большасць яго ўдарных брыгад і палкоў. Жорсткія баі працягваюцца ў раёнах Глыбокага, Часовага Яру, Старамерска, Рабаціны, Крынік і з левага берага Дняпра.
Чакаецца, што першыя з абяцаных заходнімі краінамі знішчальнікі F-16 з'явяцца ва Украіне летам.
IAR/вх