Злучаныя Штаты Амерыкі размесцяць у Германіі пускавыя ўстаноўкі ракет далёкага радыусa дзеяння, гаворыцца ў сумеснай заяве абедзвюх краін. Гэта вынік дамоўленасцей, дасягнутых падчас саміту НАТА ў Вашынгтоне. Адначасова падкрэсліваецца, што разгортванне будзе «эпізадычным» і пачнецца ў 2026 годзе.
Гэта частка мерапрыемстваў, накіраваных на павышэнне абароннага патэнцыялу НАТА. «Калі план будзе цалкам рэалізаваны, сярод звычайных пускавых установак будуць і тыя, якія дазволяць запускаць ракеты «Тамагаўк» і звышгукавыя ракеты», – гаворыцца ў заяве.
Гэтыя ракеты маюць нашмат большы радыус дзеяння, чым тыя, што зараз разгорнуты ў Еўропе.
IAR/аз
