Ён дзесяцігоддзямі быў першым у спісе вышуку за выраб і незаконны абарот наркотыкаў, адмыванне грошай і выкраданне людзей. Амерыканскія следчыя мяркуюць, што ён нясе адказнасць за ўвоз смяротнага фентанілу ў ЗША.
Менавіта Эль Маё некалькі дзясяткаў гадоў таму заснаваў картэль Сіналоа - разам са знакамітым Эль Чапа. Паводле дадзеных праваахоўных службаў, менавіта гэтая арганізацыя з'яўляецца асноўным пастаўшчыком наркотыкаў у ЗША. Картэль імпартуе, сярод іншага, фентаніл, які штогод забівае 75 тысяч амерыканцаў.
«Я казаў, што Міністэрства юстыцыі не супакоіцца, пакуль не прыцягне да адказнасці вінаватых у эпідэміі фентанілу», — заявіў генеральны пракурор ЗША Мэрык Гарланд.
І ён дамогся свайго. «У чацвер мы арыштавалі яшчэ двух лідараў банды Сіналоа», — сказаў Гарланд. Эль Маё быў не адзін, яго суправаджаў Хаакін Гузман Лопэс, сын другога заснавальніка картэля Сіналоа Эль Чапы, які ўжо адбывае пажыццёвае зняволенне ў амерыканскай турме.
Як пішуць амерыканскія СМІ, Гузман Лопэс здаўся ў рукі амерыканцаў і здрадзіў Эль Маё, бо вінаваціў яго ў арышце свайго бацькі.
ПР/юл