Еўрасаюз выдзеліў 1,5 мільярда еўра на абарону і аднаўленне Украіны

Сродкі ўзятыя з даходаў ад замарожаных расійскіх актываў.

Ілюстрацыйнае фота

EPA/OLIVIER MATTHYS Dostawca: PAP/EPA.

Еўрасаюз выдзеліў 1,5 мільярда еўра на абарону і аднаўленне Украіны, паведаміла прэзідэнт Еўракамісіі Урсула фон дэр Ляен. Сродкі паступаюць з даходаў ад замарожаных расійскіх актываў.

«Няма лепшага сімвала або лепшага выкарыстання грошай Крамля, чым зрабіць Украіну і ўсю Еўропу больш бяспечным месцам для жыцця», — заявіла старшыня Еўракамісіі на сайце X. Яна заявіла, што «Еўрасаюз стаіць на баку Украіны».

The EU stands with Ukraine.

Today we transfer €1.5 billion in proceeds from immobilised Russian assets to the defence and reconstruction of Ukraine.

There is no better symbol or use for the Kremlin’s money than to make Ukraine and all of Europe a safer place to live. pic.twitter.com/keDyf9Dzzd

— Ursula von der Leyen (@vonderleyen) July 26, 2024

Прэм'ер-міністр Украіны Дзяніс Шмыгаль падзякаваў Еўрасаюзу за «непахісную падтрымку» і «значны ўклад у абарону і аднаўленне Украіны».

«Разам мы ператвараем нягоды ў сілу і будуем больш бяспечную, устойлівую Еўропу», — дадаў кіраўнік украінскага ўрада.

ПР/юл