Польская лёгкаатлетка Наталля Качмарэк заваявала бронзавы медаль у бегу на 400 метраў на Алімпійскіх гульнях у Парыжы. Трасу яна прайшла за 48,98 секунды.
Гэта першы медаль польскіх лёгкаатлетаў на Алімпійскіх гульнях у Парыжы і трэці алімпійскі медаль Качмарэк. Чатыры гады таму ў Токіа яна заваявала залаты медаль у змешанай эстафеце і сярэбраны ў эстафеце 4х400 метраў.
Перамогу ў забегу атрымала Марылейдзі Паўліна з Дамініканскай Рэспублікі, устанавіўшы новы алімпійскі рэкорд з часам 48,17 секунды. Серабро заваявала Сальва Ід Насер з Бахрэйна, якая завяршыла забег за 48,53 секунды.
Гэта сёмы медаль польскай зборнай на Алімпійскіх гульнях у сталіцы Францыі. Алімпіяда завершыцца заўтра.
вс
