Сёння ў Львове адбудзецца пахаванне Пшaмыслава Расевіча-Кучынскага - грамадзяніна Польшчы, які загінуў у баях з расійцамі ва Украіне. Цырымонія пачнецца а 13.00 паводле польскага часу ў грэка-каталіцкім гарнізонным храме Святых Пятра і Паўла.
36-гадовы вайсковец быў членам Беларускага палка імя Кастуся Каліноўскага і Інтэрнацыянальнага легіёну.
Пшaмыслаў Расевіч-Кучынскі меў польскае і беларускае грамадзянства. У верасні 2022 года добраахвотнікам далучыўся да Беларускага палка, які ваюе на баку Украіны. Ён удзельнічаў, між іншым, у баях за Бахмут, Арэхаў , Харкаў і Часіў Яр. Загінуў 6 жніўня пры выкананні баявога задання.
Паводле яго апошняй волі, ён будзе пахаваны на вайсковых могілках на Марсавым полі на Лычакiўскіх могілках у Львове. Пра развітанне з жаўнерам паведаміў у сацыяльных сетках мэр Львова Андрэй Садовы.
IAR/аз
