Пра смерць пісьменніка паведаміла ў сацсетках яго жонка. Яна падкрэсліла, што Іштван Нэмэрэ памёр ва ўзросце васьмідзесяці гадоў пасля паспяховага і надзвычай плённага жыцця.
Нэмэрэ выдаў за сваё жыццё ажно восемсот кніг, што з'яўляецца абсалютным сусветным рэкордам. Ён абагнаў нават каралеву брытанскага рамансу Барбару Картленд.
Некалькі дзён таму з нагоды выхаду адначасова пяці кніг і ягонага васьмідзесяцігоддзя яго выдавец зладзіў для Нэмэрэ юбілейны аўтарскі вечар у Нацыянальнай бібліятэцы Сэчэні. Праз гадзіну пасля вечарыны ў пісьменніка здарыўся сардэчны прыступ, і ён быў дастаўлены ў шпіталь. Ён памёр сёння да абеду.
Цікава, што Іштван Нэмэрэ быў аўтарам, які пісаў творы не толькі таму, каб павялічыць колькасці публікацый.
У Венгрыі яго цэняць як аўтара шматлікіх паспяховых навукова-фантастычных раманаў, эсперантыста і перакладчыка.
IAR/яс