Новаабраны прэзідэнт ЗША Дональд Трамп крытыкуе Еўропу за недастатковыя выдаткі на абарону. У інтэрв’ю тэлеканалу NBC, палітык паведаміў ён гатовы выйсці з НАТА, калі акажацца, што еўрапейскія хаўруснікі выкарыстоўваюць ЗША і не плацяць дастаткова на супольную абарону.
Якуб Альхоўскі(Jakub Olchowski) з Інстытута Цэнтральнай Еўропы лічыць, што Дональд Трамп хутчэй за ўсё не будзе развальваць НАТА, але сапраўды можа прымусіць Еўропу павялічыць выдаткі на абарону:
- Можа Еўропа нарэшце прачнецца і пачне думаць пра сваю бяспеку. Трамп пастаянна паўтарае, што еўрапейскія краіну плацяць недастаткова на дзейнасць НАТА.
Патрабаванне прызначаць на абарону, як мінімум, 2 працэнты ВУП дзейнічае ў альянсе ўжо дзесяць гадоў, але зараз яго выконваюць толькі 23 з усіх 32 краін-членаў. Польшча з’яўляецца лідарам, калі гаворка ідзе пра выдаткі на абарону. Палякі прызначаюць на гэтую мэту больш за чатыры працэнты ВУП. У першую тройку ўваходзяць таксама Эстонія і ЗША з выдаткамі больш за тры працэнты ВУП.
На мінулым тыдні падчас сустрэчы міністраў замежных справаў НАТА генеральны сакратар альянсу заклікаў павялічыць выдаткі на абарону і павысіць абавязковы мінімальны парог.
IAR/аз