Калегія выбаршчыкаў абрала ў суботу прэзідэнтам Грузіі Міхаіла Кавелашвілі, паведаміла Цэнтральная выбарчая камісія (ЦВК). 53-гадовы палітык і былы футбаліст быў адзіным кандыдатам ад кіруючай партыі «Грузінская мара».
За Кавелашвілі прагаласавалі 224 чалавекі з калегіі выбаршчыкаў, якая складаецца з 300 членаў, уключаючы дэпутатаў і прадстаўнікоў мясцовых уладаў, паведамляе служба «Рэха Каўказа».
Паводле звестак гэтага СМІ, прадстаўнікі апазіцыйных партый не бралі ўдзелу ў галасаванні. Прынамсі двое дэпутатаў Народнага сходу Абхазіі таксама адмовіліся ўдзельнічаць у выбарах кіраўніка дзяржавы.
https://t.me/byplradio/15438
Антыўрадавая дэманстрацыя працягваецца перад будынкам парламента ад світання. З кожнай гадзінай натоўп становіцца ўсё большым. Пратэстоўцы неслі транспаранты з надпісамі «Прэзідэнт — марыянетка», «Ён не мой прэзідэнт», а таксама сцягі Грузіі і ЕС. Вакол будынку парламента і на прылеглай плошчы Свабоды бачны міліцэйскі кардон і вадамёты. Дэманстрантам выдалі тэхнічныя акуляры, шлемы, маскі і плашчы на выпадак пацыфікацыі.
Пераважную большасць, 211 месцаў на выбарах, займаюць прадстаўнікі кіруючай партыі «Грузінская мара», а 69 — прадстаўнікі апазіцыйных партый. Астатнія 20 займаюць прадстаўнікі Народнага сходу Абхазіі, члены якога не маюць палітычнай прыналежнасці.
Упершыню прэзідэнта Грузіі абіралі не на прамых выбарах. Інаўгурацыя новага кіраўніка дзяржавы запланаваная на 29 снежня.
ав