Падчас сустрэчы з каралём Іарданіі амерыканскі лідар не адмовіўся таксама ад помыслу пра рассяленне палесцінцаў.
Арабскія краіны не пагаджаюцца на перасяленні жыхароў Газы. Аднак магчымыя спецыяльныя меры, якія заявіў кароль Іарданіі Абдала II у Белым доме.
«Тое, што мы можам зрабіць адразу, — гэта вывезці ў Іарданію 2 тыс. дзяцей хворых на рак або ў вельмі цяжкім стане, і чакаць, пакуль Егіпет прадставіць свой план», — заявіў манарх Іарданіі.
Генеральны сакратар Лігі арабскіх дзяржаў Ахмад Абу аль-Гайт раскрытыкаваў ціск прэзідэнта Трампа на Блізкі Усход.
«Замест таго, каб вырашыць палесцінскае пытанне справядліва паміж дзвюма дзяржавамі, гэта прывядзе Блізкі Усход да новага інтэнсіўнага канфлікту паміж арабамі і Ізраілем», — заявіў егіпецкі палітык.
Між тым спыненне агню ў сектары Газа вісіць на валаску. Ізраіль і ЗША заявілі, што калі ХАМАС не вызваліць чарговых закладнікаў да суботы, гэта будзе азначаць канец перамір'я. Раней ХАМАС абвясціў аб адтэрміноўцы з вызваленнем затрыманых, паколькі, на думку тэрарыстычнай арганізацыі, Ізраіль парушае рэжым спынення агню.
IAR/яс