За працу над прапановай Еўракамісіі будзе адказваць большасць еўрадэпутатаў з Цэнтральна-Усходняй Еўропы. Гэта азначае, што не варта чакаць праблем з прыняццем прапановы або непатрэбных затрымак у працы. Паскоранага шляху не будзе, але чыноўнікі ў Еўрапарламенце кажуць, што правілы будуць узгодненыя падчас польскага старшынства.
Як паведаміла карэспандэнтка Польскага радыё ў Бруселі Бэата Пломэцка, за справаздачу на гэтую тэму будзе адказваць еўрадэпутатка ад Латвіі Інэсэ Вайдэрэ з найбуйнейшай фракцыі Еўрапейскай народнай партыі. Гэта важна, таму што з мінулага года Латвія патрабуе ад Расіі і Беларусі санкцый ЕС у дачыненні да ўгнаенняў і сельскагаспадарчай прадукцыі.
Мэйнстрымныя партыі таксама вылучылі дэпутатаў ад нашага рэгіёна для супрацоўніцтва па рэгламенце. Гэта так званыя ценявыя дакладчыкі. Сацыялістаў прадстаўляе румын Міхай Тудосэ, лібералаў — Любіца Карвашава са Славакіі, зялёных — Маркета Грэгарава з Чэхіі. Кансэрватары вылучылі грэка, а камуністы італьянца. Такая сітуацыя ў Еўрапарламенце.
Сярод краін Еўрасаюза, якія будуць сумесна прымаць рашэнне аб увядзенні забаронных тарыфаў, праблем быць не павінна. Аднагалоснасць не патрабуецца, для прыняцця рашэння дастаткова большасці краін, таму Венгрыя не зможа яго заблакіраваць.
IAR/вх