Прэм'ер-міністр Італіі заявіла, што неабходна гаварыць пра тое, як заходнія краіны маюць намер вырашаць вялікія сучасныя выклікі, пачынаючы з вайны ва Украіне. Яна падкрэсліла, што раскол заходніх краін моцна аслабіць іх і нікому не прынясе карысці.
Некаторыя італьянскія каментатары адзначаюць, што Джорджыя Мелоні з-за сваіх добрых стасункаў з прэзідэнтам Трампам і Іланам Маскам магла б выступіць пасярэднікам у перамовах паміж ЕС і ЗША.
Тым часам віцэ-прэм'ер Матэа Сальвіні, кіраўнік папулісцкай Лігі, напісаў на платформе X: «Мэта — мір. Хопіць гэтай вайны. Наперад, Трамп».
Кіраўнік найбуйнейшай апазіцыйнай Дэмакратычнай партыі Элі Шляйн заявіла, што Дональд Трамп стаў на бок Уладзіміра Пуціна.
IAR/вх