Не менш як 25 чалавек загінула пры пажары ў папулярным начным клубе ў індыйскім штаце Гоа на заходнім узбярэжжы краіны.
Па ацэнках уладаў, колькасць ахвяр можа ўзрасці па меры разбору завалаў і праверкі спісаў зніклых.
Паліцыя зазначае, што сярод загінулых ёсць некалькі замежных турыстаў. Іх грамадзянства пакуль не раскрываецца, целы накіраваныя на апазнанне.
У бальніцы дастаўлены пацярпелыя. Сярод іх таксама могуць быць іншаземцы.
Пажар узнік у начны час, калі клуб быў запоўнены людзьмі. Прычыны ўзгарання афіцыйна не названыя. Паліцыя і пажарныя службы праводзяць праверку, разглядаюцца версіі парушэння правілаў пажарнай бяспекі і магчымай няспраўнасці электрычнага абсталявання.
вс