Прэзідэнт ЗША Дональд Трамп абвясціў, што дзевяць краін пералічылі больш за 7 млрд долараў на пакет дапамогі для аднаўлення Сектара Газа, знішчанага падчас вайны з Ізраілем. У чацвер, 19 лютага, у Вашынгтоне адбылося першае пасяджэнне новастворанай Рады міру — ініцыятывы, запушчанай лідарам ЗША. Галоўнай тэмай сустрэчы стала адбудова Газы.
«З прыемнасцю паведамляю, што Казахстан, Азербайджан, Аб’яднаныя Арабскія Эміраты, Марока, Бахрэйн, Катар, Саудаўская Аравія, Узбекістан і Кувейт перадалі ў агульнай складанасці больш за 7 млрд долараў на пакет дапамогі. Кожны выдаткаваны долар — гэта інвестыцыя ў стабільнасць і надзею на новую, гарманічную будучыню», — заявіў прэзідэнт ЗША.
Не ўсе з амаль 60 запрошаных дзяржаў узялі ўдзел у сустрэчы. Сярод адсутных — Вялікабрытанія, Германія і Францыя. Падтрымку ініцыятыве таксама выказалі Венгрыя, Балгарыя, Косава, Албанія, Турцыя, Егіпет і Ізраіль.
Польшча не далучылася да Рады міру, але прысутнічала ў статусе назіральніка, краіну прадстаўляў кіраўнік Бюро міжнароднай палітыкі Канцылярыі прэзідэнта Марцін Пшыдач.
iar/эж