Еўрапейская камісія папярэдзіла Албанію, што будаўніцтва эксклюзіўнага курорта, звязанага з зяцем прэзідэнта ЗША Джарэдам Кушнерам, можа перашкодзіць Тыране на шляху ўступлення ў Еўрапейскі Саюз.
Брусель паўтарае, што кандыдаты на членства павінны прытрымлівацца прынцыпаў аховы навакольнага асяроддзя, забяспечваць празрыстыя адміністрацыйныя працэдуры і паважаць вяршэнства закона.
Інвестыцыя коштам прыблізна ў 1,5 мільярда еўра запланаваная ля лагуны Вёсэ-Нарта і вострава Сазані — адной з самых каштоўных прыродных зон на ўзбярэжжы Албаніі.
Праціўнікі праекта папярэджваюць, што будаўніцтва можа пагражаць асяроддзю пражывання фламінга, марскіх чарапах і іншых ахоўных відаў.
Масавыя пратэсты супраць інвестыцый прайшлі ў сталіцы Тыране і іншых албанскіх гарадах. Дэманстранты абвінавачваюць урад прэм'ерa Эдзі Рамы ў адсутнасці празрыстасці і адданні перавагі замежным інвестарам над грамадскімі інтарэсамі.
Урад у Тыране адмаўляе абвінавачванні і запэўнівае, што праект будзе рэалізаваны ў адпаведнасці з албанскім і еўрапейскім заканадаўствам. Прэмʼер-міністр падкрэслівае, што інвестыцыі прызначаны для прыцягнення заможных турыстаў і падтрымкі эканамічнага развіцця краіны.
IAR/аз