Аўтамабіль, які раніцай знішчыў фрагмент плота і ўехаў на тэрыторыю могілак Новай Росы ў Вільні, пашкодзіў некалькі магілаў польскіх жаўнераў. Згаданыя магілы сёлета былі адрэстаўраваныя дзякуючы намаганням Фонду „Свабода і дэмакратыя”.
Службы высвятляюць абставіны здарэння. Вядома, што былі пашкоджаны тры надмагільныя пліты. У згаданай частцы могілак пакояцца астанкі польскіх і літоўскіх жаўнераў, якія ў 1919-1920 гадах загінулі ў баях за Вільню, а таксама астанкі членаў Віленскай самаабароны, якія загінулі ў баях з немцамі і бальшавікамі больш за 100 гадоў таму.
Пра здарэнне былі паінфармаваныя прадстаўнікі польскага Міністэрства культуры і нацыянальнай спадчыны і адпаведных літоўскіх устаноў.
Паўгода таму Фонд „Свабода і дэмакратыя” завяршыў рамонт польскіх магілаў у гэтай частцы Росы. Работы фінансавала Міністэрства культуры і нацыянальнай спадчыны і Фонд папулярызацыі культуры.
Могілкі Новай Росы - частка большага комплексу, у скальд якога ўваходзіць таксама Старая Роса і маўзалей маршала Пілсудскага.
аз