Адсутнасць пітной вады ў некаторых гарадах выклікала рост захворванняў, а таксама вулічныя акцыі пратэсту.
Human Rights Watch папярэджвае, што драматычная сітуацыя склалася ў горадзе Басра з насельніцтвам у 2 мільёны чалавек на поўдні краіны.
Трыццацігадовыя занядбанні, а таксама забруджванне паветра і карупцыя прывялі да таго, што шматлікія жыхары наагул ня маюць доступу да пітной вады. Гаворыць адзін з настаўнікаў мясцовай школы Абдул Сабах.
- Кожны дзень у школе я кажу вучням, што вада з крана салёная і не надаецца ані да піцця, ані да мыцця.
З-за бруднай вады летась у шпіталь трапілі 118 тысяч жыхароў Басры.
Дэфіцыт вады стаў адной з прычын вулічных акцый пратэсту ў Іраку як у мінулым годзе, так і ў апошнія некалькі тыдняў.
110 чалавек былі забітыя падчас хваляванняў з пачатку кастрычніка.
У Іраку абвешчана нацыянальная жалоба.
ПР/юл