Арганізатары святкавання 9 лістапада гадавіны „Крыштальнай ночы” ў горадзе Конштат пад Штутгартам выбачаюцца за названне ў запрашэнні на цырымонію нямецкага канцлагера „Аўшвіц-Біркенау” „польскім лагерам смерці”. Нагадваем, па гэтай справе ўмяшалася пасольства Польшчы ў Берліне.
Нямецкія арганізатары ў прабачэнні, накіраваным у польскае пасольства, напісалі, што іх намерам „не было абражаць палякаў, якія сталі ахвярамі нямецкага нацызму”.
Прэс-сакратар амбасады Польшчы ў Берліне Дарыюш Паўлась (Dariusz Pawłoś), запэўніў, што ў такіх сітуацыях польскія дыпламатычныя прадстаўніцтвы заўсёды будуць умешвацца.
- Калі нехта будзе фальсіфікаваць гісторыю Польшчы і апаганьвaць добрае імя Польшчы і палякаў, мы заўсёды будзем гучна паўтараць, што канцэнтрацыйныя лагеры і лагеры смерці, гэта былі нямецкія лагеры, пабудаваныя немцамі на тэрыторыі Польшчы, якую акупаваў нямецкі Трэці Рэйх.
Арганізатары ўрачыстасці ў горадзе Кoнштат, звязанай з гадавінай „Крыштальнай ночы”, запэўнілі польскага амбасадара, што таксама падчас мерапрыемства 9 лістапада публічна паведамяць пра сваю памылку.
аз