Не дапамог заклік адмовіцца ад санкцый, які агучыў кіраўнік адной з камісій Бундэстагу. Паводле экспертаў, гэта можа спыніць расійска-нямецкі праект.
На мінулым тыдні кіраўнік камісіі па справах энергіі ў Бундэстагу Клаўс Эрнст звярнуўся да сваіх амерыканскіх калегаў з адкрытым лістом. У ім ён заклікаў памяняць планы ўвядзення санкцый супраць Nord Streamu 2.
Нямецкі партал dw.com піша, што Эрнст нават патрабаваў, каб выклікаць у МЗС амерыканскага амбасадара і асудзіць планы санкцый як «несяброўскі акт». Ён таксама мяркуе, што ў справу павінна ўмяшацца Еўракамісія.
Кангрэсмены заклікі не пачулі і ў панядзелак аднагалосна падтрымалі пункт, які пашыраў санкцыі ў дачыненні да праекту. Санкцыя таксама будуць тычыцца газаправоду Turk Stream, які спалучае Расію і Турцыю.
Цяпер справай зоймецца Сенат, дзе ідэю санкцый падтрымліваюць палітыкі абедзвюх партый.
ав