Старшыня Еўрапейскай рады на фоне Разні ў Бучы абяцае чарговыя санкцыі супраць РФ

«ЕЗ дапамагае Украіне і няўрадавым арганізацыям збіраць неабходныя доказы для пераследу адказных у міжнародных судах. Будуць новыя санкцыі і новая падтрымка».

Магілы грамадзянскіх, Кіеўская вобласць

Крыніца: PAP/EPA/OLEG PETRASYUK

Старшыня Еўрапейскай рады Шарль Мішэль абяцае падтрымку з боку ЕЗ за ваенныя злачынствы, учыненыя арміяй РФ на поўначы Кіеўшчыны. Пра гэта палітык напісаў – па яго словах – пасля таго, як убачыў фота з вызваленай Бучы. Як паведамлялі ўлады гораду, толькі ў адной брацкай магіле было каля 300 забітых цывільных. 

«Я шакаваны кранальнымі фатаграфіямі, якія сведчаць пра зверствы, учыненыя расійскім войскам у вызваленых раёнах Кіеўшчыны», – прызнаўся Мішэль, дадаўшы да свайго твіта пазнаку «Бучанская разня» (#BuchaMassacre).

Shocked by haunting images of atrocities committed by Russian army in Kyiv liberated region #BuchaMassacre

EU is assisting #Ukraine & NGO’s in gathering of necessary evidence for pursuit in international courts.

Further EU sanctions & support are on their way.

Слава Україні!

— Charles Michel (@eucopresident) April 3, 2022

Кіраўнік Еўрапейскай рады лічыць, што гэта – доказы ваенных злачынстваў, якія павінны быць выкарыстаны ў судзе. «Еўразвяз дапамагае Украіне і няўрадавым арганізацыям збіраць неабходныя доказы для пераследу (адказных) у міжнародных судах. Будуць новыя санкцыі і новая падтрымка», – дадаў еўрапейскі чыноўнік.

Палітык завяршыў паведамленне, якое напісана на англійскай, двума словамі на ўкраінскай мове: «Слава Украіне!»

iar/эж