Украіна заклікае вызваліць украінскіх палітвязняў на Крыме

Паводле ўкраінскіх уладаў, зараз у расійскіх турмах на Крыме 127 грамадзян Украіны.

Tурма

patrick489/pixabay.com/CC0 Public Domain

Украінскія ўлады заклікаюць вызваліць палітвязняў, якія знаходзяцца на Крыме. Паводле іх ацэнак, цяпер у расійскіх турмах з-за палітычнага пераследу на Крыме ўтрымліваюцца 127 грамадзян Украіны.
Сярод зняволеных – журналіст «Радыё Свабода» Уладзіслаў Есіпенка. Летась за запіс рэпартажаў з акупаванага Крыма ён быў арыштаваны супрацоўнікамі ФСБ паводле падазрэння ў шпіянажы.

Намеснік пастаяннага прадстаўніка прэзідэнта Украіны ў Аўтаномнай Рэспубліцы Крым Дзяніс Чысцякоў заявіў, што прыклад Уладзіслава Есіпенкі добра паказвае, што такое расійскае правасуддзе:

- Справа Уладзіслава Есіпенкі паказвае, што суды на акупаваных тэрыторыях з’яўляюцца не органамі правасуддзя, а інструментам уздзеяння на грамадства ў Расіі, а таксама на міжнародную думку. Пасля 24 лютага 2022 года сітуацыя з правамі чалавека ў акупаваным Крыме значна пагоршылася.

Сітуацыю на акупаваным Расіяй Крыме сёння абмеркавалі ўдзельнікі Крымскай платформы. З-за пагрозы з боку расійскіх нападаў міжнародная сустрэча прайшла ў анлайн-рэжыме.

IAR /аз