Рада ЕЗ зацвердзіла санкцыйны рэжым за дэстабілізацыю Малдовы

 Малдова дазнае з боку Расіі гібрыдную агрэсію, уключаючы палітычны ды эканамічны ціск, а таксама дэстабілізацыю абстаноўкі ўнутры краіны пры дапамозе прарасійскіх сілаў.

Прэм'ер Польшчы М. Маравецкі падчас сустрэчы з малдаўскім калегам Д. Рэчанам у Кішынёве (ілюстрацыя) Spotkanie premierów Polski i Mołdawii w Kiszyniowie.

Крыніца: PAP/EPA/DUMITRU DORU

Рада Еўрапейскага Звязу ў пятніцу, 28 красавіка, ухваліла новы санкцыйны рэжым за дзеянні па дэстабілізацыі Малдовы. Ён дазваляе ўводзіць абмежавальныя меры ў дачыненні да асоб, якія здзяйсняюць дзеянні, якія падрываюць суверэнітэт і незалежнасць Малдовы. Брусель прывёў у якасці прыкладаў такіх дзеянняў спробы перашкодзіць дэмакратычнаму палітычнаму працэсу, уключаючы правядзенне выбараў, або спробы звяржэння канстытуцыйнага ладу, у тым ліку з ужываннем гвалту.

Санкцыі будуць уключаць у сябе замарозку актываў. Акрамя таго, асобам, якія трапілі пад штрафныя меры, будзе забаронены ўезд у Еўразвяз.

Спробы дэстабілізацыі Малдовы прыкметна пачасціліся з пачатку вайны Расіі супраць Украіны і ўяўляюць сабой прамую пагрозу стабільнасці і бяспецы на знешніх межах ЕЗ, падкрэслілі ў Радзе Еўразвязу. Новы санкцыйны рэжым «з'яўляецца важным палітычным сігналам падтрымкі» Кішынёва з боку Бруселя, адзначыў вярхоўны прадстаўнік ЕЗ па замежных справах і палітыцы бяспекі Жазэп Барэль.

Летась у траўні Малдова стала кандыдатам на ўступленне ў ЕЗ, падаўшы заяўку па паскоранай працэдуры разам з Украінай. У лютым прэзідэнт Малдовы Мая Санду абвінаваціла Расію ў намеры зрынуць урад у Кішынёве. Малдова дазнае з боку Расіі гібрыдную агрэсію, уключаючы палітычны ды эканамічны ціск, а таксама дэстабілізацыю абстаноўкі ўнутры краіны пры дапамозе прарасійскіх сілаў.

iar/dw/ez