Еўракамісія рэкамендавала надаць Грузіі статус краіны-кандыдаткі ў ЕС пры ўмове правядзення ўладамі ў Тбілісі ключавых рэформаў. Апрача таго, на падставе станоўчых справаздачаў, Еўракамісія рэкамендавала таксама пачаць перамовы аб членстве з Малдовай і Украінай.
Рашэнне Еўракамісіі аб’явіла ейная кіраўніца Урсула фон дэр Ляен пасля публікацыі справаздач аб выкананні стандартаў ЕС краінамі, якія прэтэндуюць на ўступленне ў супольнасць:
- 10 гадоў таму пачаліся пратэсты на Майдане, падчас якіх стралялі па людзях з еўрапейскімі сцягамі. І праз 10 гадоў сёння гістарычны дзень, калі Еўрапейская камісія рэкамендуе Савету пачаць перамовы аб сяброўстве.
Канчатковае рашэнне аб наданні статусу кандыдата Грузіі і распачацці перамоваў з Украінай і Малдовай прымуць краіны Еўрасаюза на саміце ў Бруселі ў сярэдзіне снежня.
IAR/аз