Генштаб Узброеных сіл Украіны паведаміў, што расіяне нанеслі адзін ракетны і 40 авіяўдараў па ўкраінскіх пазіцыях і грамадзянскіх аб'ектах. Здзейснілі таксама 57 артылерыйскіх абстрэлаў.
Ёсць загінулыя і параненыя мірныя жыхары. Былі пашкоджаныя жылыя дамы і абʼекты грамадзянскай інфраструктуры. За суткі Расія выкарыстала для атак 23 беспілотнікі «Шахед». Украінская СПА знішчыла 19 беспілотнікаў.
Украінскія ўзброеныя сілы паведамляюць, што ўвечары і ўначы расійскія войскі нанеслі ўдар з 9 беспілотнікаў «Шахед». Усе гэтыя машыны ўкраінцы знішчылі.
Пад артылерыйскі абстрэл патрапілі больш за 110 населеных пунктаў у Чарнігаўскай, Сумскай, Харкаўскай, Луганскай, Данецкай, Запарожскай, Херсонскай і Мікалаеўскай абласцях.
Украінскія ВПС здзейснілі 12 налётаў на групы расійскіх вайскоўцаў, узбраенне і вайсковую тэхніку. Супрацьпаветраная абарона знішчыла 3 знішчальнікі-бамбавікі Су-34. Украінскія ракетныя падраздзяленні пяць разоў нанеслі ўдары па канцэнтрацыі вайскоўцаў, узбраення і ваеннай тэхнікі і двойчы па расійскіх складах боепрыпасаў.
яс