Украінскае войска працягвае наступ у расійскай Курскай вобласці, у той жа час расійская армія не адмаўляецца ад удараў ва ўкраінскай Данецкай вобласці. На думку экспертаў, нягледзячы на страту ўласнай тэрыторыі, расіянам няпроста адмовіцца ад планаў захопу Данбасу.
Як адзначыў украінскі вайсковы эксперт Пётр Чэрнік, украінскі наступ у РФ можа запаволіцца. На яго думку, кульмінацыя імклівага руху наперад ужо за намі. Эксперт «24 канала» падкрэсліў, што ў расіян ёсць рэсурсы, іх групоўка «Поўнач» налічвае да 75 тысяч вайскоўцаў, таму праціўнік будзе наступаць мабілізаваны і перагрупаваны.
Паводле дадзеных аналітычнага парталу Deep State, апошнім часам украінцы захапілі яшчэ адно сяло ў Курскай вобласці — Внезапное, а расіяне тым часам рушылі на Данбас, у т.л. на Пакроўск. Эксперты амерыканскага Інстытуту даследаванняў вайны ацэньваюць, што Расія па-ранейшаму аддае перавагу наступу на Данбасе і не хоча аслабляць яго дзеля абароны ўласнай тэрыторыі ў Курскай вобласці.
ав
