Рэжым Нікаласа Мадура ў Венесуэле затрымаў і адправіў назад у Расію двух калумбійцаў, якія ваявалі на баку Украіны, паведамляюць СМІ.
Федэральная служба бяспекі Расіі (ФСБ) абвясціла аб затрыманні калумбійцаў Аляксандра Антэ і Хасэ Арона Мэдзіны, паведамляе сайт Politico, назваўшы іх перадачу ў Расію «падарункам Мадура Пуціну».
Як адзначае Politico, іх экстрадыцыя - гэта спроба напалохаць іншых замежнікаў, якія маглі б задумацца пра ўступленне ва ўкраінскія ўзброеныя сілы.
Антэ і Медзіна ваявалі ва Украінскім замежным легіёне з лета 2023 года. У ліпені бягучага году калумбійскія СМІ паведамлялі, што іх сем'і страцілі з імі сувязь, калі яны былі ў сталіцы Венесуэлы Каракасе, вяртаючыся на радзіму.
«Прывітанне, дарагая, я збіраюся ў Венесуэлу, а потым у Калумбію», — гаворыць Медзіна ў запісе, які ён адправіў сваёй жонцы перад тым, як сесці на самалёт да Каракас у Мадрыдзе. Пазней ён падзяліўся з ёй сваім месцазнаходжаннем, знаходзячыся ў міжнародным аэрапорце венесуэльскай сталіцы. Потым сувязь абарвалася.
Эксперты мяркуюць, што іх экстрадыцыя ў Расію можа пагоршыць адносіны Венесуэлы з суседняй Калумбіяй, што сведчыць аб тым, што наступствы вайны ва Украіне сягаюць далёка поля бою, піша New York Times.
Паводле звестак газеты, урад Венесуэлы не адказаў на афіцыйныя запыты ўладаў Калумбіі аб інфармацыі аб Медыне і Антэ.
Мадура, які знаходзіцца ва ўладзе з 2013 года, саюзнік расійскага дыктатара Уладзіміра Пуціна, неаднаразова заяўляў аб падтрымцы ўварвання ва Украіну і абвяшчаў аб «моцным ваенным супрацоўніцтве» з Масквой. Пад яго кіраваннем Венесуэла, якая мае багатыя радовішчы нафты, трапіла ў катастрафічны эканамічны і гуманітарны крызіс.
РАР/юл
