Кандыдаты ў прэзідэнты ЗША Камала Харыс (ад дэмакратаў) і Дональд Трамп (ад рэспубліканцаў) правялі першыя тэледэбаты. Яны адбыліся ў Філадэльфіі ў штаце Пенсільванія. Палітыкі, адказваючы на пытанні вядучых тэлеканалу ABC, крытыкавалі адзін аднаго і абвінавачвалі ў хлусні.
На пачатку дыскусіі Харыс сказала, што гледачы пачуюць ад Трампа «кучу хлусні і скарг». Трамп назваў Камалу Харыс «марксісткай», спрабуючы звязаць яе дзейнасць з працай бацькі, былога эканаміста Стэнфардскага ўніверсітэта.
Падчас дэбатаў закраналася, у прыватнасці, пытанне вайны ва Украіне.
Трамп заявіў, што вайна павінна спыніцца, сцвярджаючы, што калі б ён быў у прэзідэнцкім крэсле, «Расія ніколі б не ўварвалася ва Украіну».
Паводле яго слоў, ён «добра ведае» прэзідэнта Расіі Уладзіміра Пуціна і прэзідэнта Украіны Уладзіміра Зяленскага.
«Я вырашыў бы гэта хутка. Вайна паміж Украінай і Расіяй скончылася б, калі б мяне выбралі прэзідэнтам», - казаў Трамп.
Харыс, звяртаючыся да свайго апанента сказала: «Нашы саюзнікі па НАТА вельмі ўдзячныя, што вы больш не прэзідэнт».
На думку Харыс, калі б Трамп быў прэзідэнтам, Пуцін «сядзеў бы зараз у Кіеве, прыглядаючыся да астатняй Еўропы, пачынаючы з Польшчы».
«Вы думаеце, што Вы сябруеце з дыктатарам, але ён бы з'еў вас на абед», - склала Харыс.
Прэзідэнцкія выбары ў ЗША запланаваныя на 5 лістапада 2024 года.
вс
