Французскае выданне Le Monde каментуе рашэнне Германіі ўвесці часовы кантроль на сухапутных межах.
Штодзённік падкрэслівае, што складанае пытанне міграцыі патрабуе рашэнняў, акрамя «імправізацыі» і дзеянняў кожнай краіны Еўрасаюза «самастойна». Аўтары артыкула пішуць, што Германія мела права прыняць такое рашэнне ў святле правілаў, якія дазваляюць закрываць межы ў выпадку пагрозаў бяспецы.
Тым не менш, гэта «катастрафічны сігнал для суседзяў (Германіі), усе з якіх сёння сутыкаюцца з той жа праблемай перамяшчэння асоб, якія шукаюць прытулку», піша Le Monde.
У гэтым кантэксце цытуюцца словы прэм'ер-міністра Польшчы Дональда Туска, які назваў закрыццё межаў «непрымальнымі» дзеяннямі.
Le Monde нагадвае, што Нямеччына — гэта краіна, якая прымае больш за ўсё шукальнікаў прытулку, якія прыязджаюць у Еўропу праз поўдзень кантыненту — Італію, Грэцыю і Балканы.
Згодна з Дублінскай канвенцыяй, хадайніцтва аб прадстаўленні прытулку павінна разглядацца ў першай краіне, у якую прыбываюць імігранты, але – паводле Le Monde – «гэтая сістэма больш не працуе».
Новы міграцыйны пакт павінен «унесці некаторую салідарнасць у цяперашнюю сістэму», дапамагаючы зняць цяжар з краін, дзе імігранты перасякаюць мяжу ЕС. Але новыя правілы ўступяць у сілу ў 2026 годзе.
«Да таго часу паварот Германіі пагражае катастрафічнымі наступствамі ў Брусэлі для перамоў аб будучых правілах, пачынаючы з правілаў аб вяртанні», — прагназуе Le Monde. Адзначаецца, што ўсё больш краін ЕС жадаюць мець магчымасць дэпартаваць асоб, якія шукаюць прытулку — альбо ў трэція краіны, альбо ў краіны іх паходжання.
«У той час, калі дэмаграфічная няроўнасць расце, складанае пытанне іміграцыі патрабуе адказаў, акрамя імправізацыі і ўласных дзеянняў у Еўропе», — падкрэслівае «Le Monde». Дадаецца, што на карту пастаўлена «згуртаванасць Еўрасаюза» і яго каштоўнасці.
PAP/вх
