Міжнародны Камітэт Чырвонага Крыжа прыпыніў сваю дзейнасць у Дняпры ва ўсходне-цэнтральнай частцы Украіны пасля гібелі трох членаў місіі ў выніку расійскай атакі - паведаміў прадстаўнік арганізацыі Аляксандр Уласенка.
Прадстаўнік місіі Міжнароднага камітэта Чырвонага Крыжа ва Украіне ў інтэрв'ю «Радыё Свабода» адзначыў, што місія мае офісы ў Харкаве, Адэсе, Дняпры, Львове і штаб-кватэру ў Кіеве. На акупаваных Расіяй тэрыторыях таксама есць офісы ў Луганску і Данецку.
Пасля нападу ў чацвер, у выніку якога трое прадстаўнікоў місіі загінулі і двое былі параненыя, офіс у Дняпры на некаторы час прыпыніў сваю дзейнасць.
Напад на місію адбыўся ў Данецкай вобласці на ўсходзе Украіны.
Уласенка паведаміў, што на місію напалі яшчэ да пачатку раздачы гуманітарнай дапамогі на прыфрантавой тэрыторыі. Арганізацыя прааналізуе сваю палітыку бяспекі пасля нападу.
«Але я думаю, што мы хутка вернемся да нашай штодзённай працы, таму што мы тут працуем, таму што ў прыфрантавой зоне жывуць людзі, якім патрэбна наша дапамога», — сказаў Уласенка.
РАР/вх
