Ізраіль з панядзелка наносіць інтэнсіўныя авіяўдары па Ліване. За гэты час адзін мільён ліванцаў пакінулі свае дамы, заявіў у суботу міністр Насер Ясін, адказны за дапамогу бежанцам.
Усяго з панядзелка ў выніку авіяўдараў загінулі прыкладна 800 чалавек і некалькі тысяч атрымалі раненні. Ізраіль падкрэслівае, што авіяўдары нанесеныя па інфраструктуры і баевіках тэрарыстычнай «Хэзбалы», а мэта аперацыі — аднаўленне бяспекі на поўначы краіны, адкуль ад нападаў гэтай арганізацыі мусілі ўцячы больш за 60 тысяч чалавек.
У Ліване пражывае каля 5,5 мільёнаў чалавек.
«Хезбала» з рознай інтэнсіўнасцю змагаецца з Ізраілем на працягу дзесяцігоддзяў, а з моманту пачатку вайны ў сектары Газа восенню 2023 года яна рэгулярна абстрэльвае поўнач краіны, на што Ізраіль адказвае моцнымі контратакамі.
Групоўка заяўляе, што выказвае салідарнасць з палестынскім ХАМАС і спыніць агонь, калі ў Газе будзе заключана перамір'е. Да нядаўняга часу ўзаемныя абстрэлы абмяжоўваліся памежнымі раёнамі. Яны прымусілі эвакуяваць некалькі дзясяткаў тысяч мірных жыхароў з поўначы Ізраіля і поўдня Лівана.
На мінулым тыдні ізраільскі ўрад абвясціў афіцыйнай ваеннай мэтай забеспячэнне вяртання ўнутрана перамешчаных асоб у свае дамы.
Ізраіль паведамляе, што гэтая кампанія істотна аслабіла баявы патэнцыял «Хізбалы». Большасць старэйшых камандзіраў гэтай групоўкі, якую падтрымлівае Іран, таксама былі забітыя. У пятніцу ў выніку авіяўдару ў Бейруце загінуў лідар Хізбалы Хасан Насрала.
PAP/вх