Ужо некалькі дзён у Румыніі трэніруюцца больш за дзве тысячы трыста вайскоўцаў з Румыніі ды адзінаццаці іншых краін НАТА.
У іх распараджэнні было больш за восемдзесят транспартных сродкаў - ад караблёў, верталётаў па бронеаўтамабілі.
Вайскоўцы мадэлявалі складаныя сцэнарыі баёў у любых умовах: на моры, на рэках, пад вадой, на сушы і ў паветры. «Мы гатовыя супрацьстаяць выклікам, але нам патрэбныя тэхналогіі, падрыхтаваныя людзі і праграмы мадэрнізацыі», — сказаў контр-адмірал Эўген Коджакару, камандуючы румынскім флотам.
Такім выклікам стала вайна, якая доўжыцца ва Украіне ўжо больш за тры гады. З пачатку расійскай агрэсіі супраць Украіны ў Чорным моры было знойдзена больш за сто дваццаць марскіх мін.
Вось ужо некалькі месяцаў дзейнічае спецпадраздзяленне, створанае для ліквідацыі такіх пагроз. Да яго далучыліся туркі, балгары і румыны.
ПР/юл