ІНГРЭДЫЕНТЫ
– 80 г манных крупаў
– ½ кг кіслых яблыкаў
– ½ літра любога расліннага малака (найлепш аўсянага або соевага)
– 50 г цукру
– сок з ½ лімона
– ½ чайнай лыжкі карыцы
ПРЫГАТАВАННЕ
Ачысціць яблыкі, выдаліць насенне, нарэзаць буйнымі кубікамі. Затым выпякаць у духоўцы пры тэмпературы 180°С да мяккасці каля 20 хв. Атрыманую мяккую масу перамяшаць.
Змяшаць манку з цукрам і 250 мл расліннага малака, перамяшаць, а затым рэшту (250 мл) малака ўліць у сумесь з крупамі і цукрам ды паставіць на агонь.
Зменшыць агонь і, пастаянна памешваючы, варыць, пакуль маса не загусцее. Узбіць масу міксерам да пышнасці. Дадаць яблыкі, лімонны сок і карыцу ды працягваць узбіваць 1-2 хвіліны. Раскласці па кубках альбо вазачках. Падаваць цёплым або халодным, можна з ягадным альбо фруктовых сіропам.
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл
