Свята Вялікадня ў традыцыі беларусаў Падляшша было важным момантам абрадава-музычнага календара. Яшчэ 30-40 гадоў таму вёскі рэгіёну менавіта пасля гэтага свята напаўняў спеў.
На поўначы Беласточчыны Вялікдзень — гэта быў час традыцыйнага «валокання» — велікоднага абыходу двароў са спевамі. У ваколіцах Бельска, Гайнаўкі і Сямятыч ад Вялікадня мясцовыя беларусы таксама пачыналі спяваць. Былі гэта адмысловыя веснавыя песні — «огУлькі» або «рогУлькі». Гэтыя песні былі сімвалам абуджэння прыроды і маладосці — кажа кіраўнічка Студыі фальклору беларусаў падляшша «Жэмэрва» Ганна Фіёнік.
05:58 2025-04-21 - Ohulki z Padlaszsza.mp3 Веснавыя традыцыі.
У бліжэйшыя выходныя 26 і 27 красавіка Цэнтр беларускай культуры ў Беластоку запрашае на адмысловыя майстар-класы традыцыйнага веснавога спеву. Заняткі пройдуць у Музеі Малой Бацькаўшчыны ў Студзіводах.
Зміцер Косцін