Былы закрыты жыллы комплекс амбасады РФ у Варшаве, які палякі акрэслілі «Шпіёнава», паступова пераўтвараецца ў сучасную гарадскую прастору. Улады сталіцы пачалі наступны этап конкурсу на яго рэканструкцыю: з некалькіх дзясяткаў прапаноў адабраны пяць канцэпцый, якія цяпер будуць дапрацоўвацца да сярэдзіны чэрвеня, чытаем на партале propertynews.pl.
Комплекс, які доўгі час выкарыстоўваўся савецкімі, а пазней расійскімі структурамі, стаў сімвалам складанай гісторыі. Пасля вяртання ўласнасці гораду ў 2023 годзе перад уладамі Варшавы паўстала задача — інтэграваць тэрыторыю і будынкі ў гарадское асяроддзе і надаць прасторы новую функцыю.
Паводле планаў, тут з’явяцца муніцыпальныя кватэры, а таксама новая забудова з камерцыйнымі і сацыяльнымі паслугамі на першых паверхах. Асобная ўвага будзе нададзена даступнасці: інфраструктуру адаптуюць для людзей з інваліднасцю і тых, хто мае асаблівыя патрэбы.
Частка старых будынкаў будзе знесена, іншыя — мадэрнізаваны. Такім чынам горад імкнецца захаваць баланс паміж абнаўленнем і выкарыстаннем ужо існуючых рэсурсаў.
У гарадской адміністрацыі падкрэсліваюць: важнае не толькі сімвалічны вяртанне савецкага «Шпіёнава» жыхарам Варшавы, але і яго практычнае значэнне супольнасці. Праект павінен стаць прыкладам таго, як праблемныя і закрытыя тэрыторыі могуць ператварацца ў адкрытую і карысную частку горадской прасторы.
эж