Ці будуць перарабляць аўтамабілі з рухавіком унутранага згарання на электрамабілі? Прэцэдэнт ужо ёсць.
У Францыі старыя аўтамабілі атрымліваюць новае дыханне.
Севасцьян Лора заснаваў кампанію Lormauto, дзе займаецца мадэрнізацыяй старых аўтамабіляў Reno Twingo. Агульны выгляд аўтамабіляў застаецца нязмененым. У машыну ставяць электрапрывод.
– Два гады работы і чатыры аўтамабілі пераробленыя. Мы ўвялі розныя тэхналагічныя пераўтварэнні ў кожны аўтамабіль: змянілі тэхналогію акумулятараў, адаптавалі архітэктуру, забяспечылі надзейнасць, памянялі праводку.
Ідэя электрыфікаваць старыя Twingo з'явілася ў сувязі з энергетычнымі праблемамі ў Еўропе, адзначае французскі інжынер.
- Калі мы гэтага не зробім, што нам застанецца? Прыйшоў час, калі трэба шукаць рашэнне праблемы. У нас ёсць праблема з машынамі, з цаной, ёсць праблема з дэкарбанізацыяй аўтамабільнага транспарту, ёсць праблема з энергіяй праз няшчасце ўкраінцаў. Яшчэ год таму энергія каштавала мала. Сёння пекары выходзяць на вуліцы, таму што іх рахункі за электрычнасць выраслі ў дзесяць, а то і ў сто разоў.
Яшчэ адзін вялікі выклік чакае ЕС – паступовы адыход ад аўтамабіляў з рухавікамі ўнутранага згарання. У 2035 годзе плануецца ўвесці поўную забарону на продаж новых аўтамабіляў з рухавікамі ўнутранага згарання. Засталося ўсяго 12 гадоў. А поўная забарона на традыцыйныя аўтамабілі ўступіць у сілу ў 2050 годзе.
– Што рабіць з усімі машынамі, якія ўжо ёсць? Выкінуць іх? Гэта не атрымаецца. Новыя электрамабілі па-ранейшаму каштуюць значна даражэй, чым аўтамабілі са звычайным рухавіком Таму ідэя электрыфікацыі аўтамабіляў выглядае цікавай альтэрнатывай. Здымаем бензабак, і ставім на яго месца акумулятары.
Французская кампанія вырашыла, што спачатку старыя аўтамабілі Reno Twingo, пераробленыя на электракары, будуць даступныя на пракат на месяц.
PAP/яс