Беларусы Варшавы ладзяць акцыю за разрыў кантракту нарвежскай кампаніі Yara з "Беларуськаліем"

Акцыя ў Варшаве будзе доўжыцца ўвесь тыдзень, ад 19 да 23 красавіка.

Zdjęcie ilustracyjne

Marianna Ianovska/shutterstock.com

У жніўні 6500 працаўнікоў "Беларуськалію" падпісалі народныя патрабаванні. Ад таго часу супраць рабочых пашыраюцца рэпрэсіі. 6 з іх патрапілі пад крымінальны пераслед, 30 – уцяклі з краіны. Андрэй Прылуцкі затрыманы па патрабаванню беларускага рэжыму на тэрыторыі Расіі. Больш за 120 чалавек, якія падтрымалі страйк, звольненыя. Руслан Акостка асуджаны на 3 гады калоніі.

У гэты ж час буйная нарвежская кампанія Yara працягвае супрацоўнічаць з нелегітымнай уладай і спансараваць катаванні беларусаў. Галоўным акцыянерам кампаніі з'яўляецца ўрад Нарвегіі, таму варта аказваць ціск на ўлады дзяржавы, каб яны адмовіліся ад супрацы, - адзначае арганізатар пікетавання Лена Копач.

- Мы вырашылі прыходзіць да кансуляту кожны дзень, каб давесці да іх, наколькі гэта важна - перастаць працаваць з "Беларуськаліем". Галоўны акцыянер кампаніі Yara - нарвежскае Міністэрства гандлю, таму мы прыходзім пад кансулят краіны.

Акцыя ў Варшаве будзе доўжыцца ўвесь тыдзень, ад 19 да 23 красавіка, з 14 да 17 гадзіны.

«Праз абмежаванні каля будынку можа знаходзіцца не больш за 5 чалавек, але вы можаце прыйсці і пакінуць подпіс пад петыцыяй, якая пазней будзе перададзена ў кансулат. Калі ласка, прыходзьце, не спыняемся! Штодзённа з 14 да 17 на вуліцы Armii Ludowej, 26», – заклікаюць арганізатары.

Лена Копач/нг

слухайце аўдыё