Украінскія беспілотнікі ўдарылі па расійскім спіртзаводзе, размешчаным на адлегласці 240 км ад мяжы.
Як паведаміў кіраўнік Цэнтра супрацьдзеяння дэзінфармацыі пры Радзе нацбяспекі і абароны Андрэй Каваленка, гаворка ідзе аб нападзе на спіртзавод у населеным пункце Ганна. На такіх аб’ектах расіяне вырабляюць авіяцыйнае і ракетнае паліва.
«БПЛА атакавалі яшчэ адзін спіртзавод у населеным пункце Ганна, што за 240 км ад мяжы з Украінай. На спіртзаводах РФ робіць ракетнае і авіяцыйнае паліва, выбуховыя рэчывы», — адзначыў Каваленка.
Нагадаем, у ноч на 22 кастрычніка пад ударам дронаў апынулася Тульская вобласць. Тады ў сетцы пісалі, што ад атакі маглі пацярпець ЦЭЦ і завод сінтэтычнага каўчуку.
Неўзабаве мясцовы губернатар паведаміў, што падчас адбіцця атак беспілотных лятальных апаратаў атрымалі пашкоджанні два расійскія спіртзаводы. Вядома, што адзін з іх размешчаны ў горадзе Яфрэмаў.
У Цэнтры супрацьдзеяння дэзінфармацыі Рады нацыянальнай бяспекі і абароны Украіны растлумачылі, што расіяне вырабляюць на спіртзаводах паліва і выбуховыя рэчывы.
УНІАН/нг